mp3: юклаб олиш

1990 йиллар бошлари, жума маърузаси
Тошкент, Тўхтабой жомеъ масжиди

– Фотиҳа сурасининг исмларидан яна Намоз, Қуръоннинг асоси, Руқя, Воқия ва Кофия сураси;

– Мушриклар Аллоҳ таолонинг “Ар-Рабб” – Парвардигор эканига иймон келтирсалар ҳам, У Зотга ширк келтирганликлари, Қиёматга ишонмаганликлари ва Расулуллоҳ солаллоҳу алайҳи васалламга эргашмаганликлари туфайли Аллоҳ таоло уларни кофирлар деб номлади;

– Аллоҳ таолонинг исм-сифатларини яхши ўрганиш ва доимо ёдда сақлаш аҳамияти;

– Аллоҳ таоло Ўз бандаларига чексиз меҳрибонлиги туфайли уларни энг тўғри йўлга ҳидоят қиладиган китоб – Қуръони каримни нозил қилди ва бу буюк каломини Ўзининг “Раҳмон ва Раҳийм” исмлари билан бошлади;

– Яҳудий ва Насронийлар Аллоҳнинг каломини ва динини ўзгартириб, У Зотга туҳматлар қилиб, ботил сифатларни нисбат бериб юборганликларига мисол;

– Охиратга иймон келтириш аҳамияти ва самараси буюклиги учун ҳам Қуръони каримнинг энг биринчи таълимотларидан бири Қиёматни эслатиш бўлган;

– Охиратга иймон келтирган мўминлар Ягона Аллоҳнинг Ўзига сиғиниб, бу дунё қулликларидан озод бўлиб, ҳақиқий саодат ва шижоат билан яшайдилар;

– “Худо деб йиғладик, дуо қилдик, лекин сўраганимизни бермади, ҳаётимизни қийин қилиб қўйди” дейдиганларга жавоб;

– Аввал Ягона Аллоҳнинг Ўзига ибодат қилиб, кейин Унинг Ягона Ўзидан барча тилакларимизни сўраймиз;

– Энг муҳим тилак Аллоҳ таолодан тўғри йўлга ҳидоят қилишини сўрашдир;

– Ҳақ йўлни топиб, унда собитқадам юриш учун илм ва ақлнинг ўзи етарли эмас, файласўфлар ақлли эди, аммо уларнинг кўпчилиги кофир бўлиб ўтди;

– Номи Ислом бўлган мусулмонлар ҳам турли-туман фирқаларга бўлиниб кетдилар;

– Фақат Пайғамбаримиз соллаллоҳу алайҳи васаллам ва саҳобий киромларнинг йўлларини лозим тутган тоифа – Аҳли Суннат тоифаси нажот топадилар.