ЛИВИЯ УЛАМОСИ ШАЙХ НОДИР ИМРОНИЙ ЎҒИРЛАБ КЕТИЛИШИ ОРТИДАН ҚАТЛ ЭТИЛДИ
“Иннаа лиллааҳи ва иннаа илайҳи рожиъувн” Ислом душманлари доимо биринчи ўринда уламоларни йўқ қилишга ҳаракат қиладилар. Чунки, ана шунда уламолари йўқ қилинган овом халқларни бемалол адаштириш мумкин бўлади. Бироқ, кофирларнинг энг хатарли макр-ҳилаларидан бири шуки: Исломга душманликлари очиқ-ойдин бўлиб қолмасин учун даҳшатли жиноятларни имкон қадар ўзларининг қўллари билан эмас, балки уларга сотилган мунофиқлар орқали амалга оширадилар. Шунинг учун ҳам Аллоҳ таоло Қуръони каримда очиқ-ойдин кофирлардан кўра исломни ўзига ниқоб қилиб оладиган мунофиқларнинг турли-туман макр-ҳилаларидан кўпроқ огоҳлантирган. Араб диёрларидан бири Ливия давлатида бугун мана шундай ачинарли фитналар рўй бермоқда. Ливияда қирқ йилдан зиёд зулму туғён ила ҳукм сурган Қаззофий 2012 йил халқ қўзғолони остида қатл этилганидан сўнг Ислом уламолари узоқ йиллар давомида чуқур илдиз ортиб кетган…
ИСЛОМ ДИНИ ҚАҲРАМОНЛАРИДАН ЯНА БИРИ – ФИЛИППИНЛИК ИМОМНИНГ ШАҲОДАТИНИ АЛЛОҲ ҚАБУЛ ЭТСИН
Бугун эрталаб Филиппин пойтахти Манеллада бомдод намозига имомлик қилиб турган лаҳзада шайх Нуҳ Кабарено номаълум шахс томонидан ўққа тутилиб, оғир жароҳат олган эди. Орадан кўп вақт ўтмай шифохонада вафот этди. Аллоҳ Ўз раҳматига олган бўлсин… Шайх Нуҳ Кабарено бир неча йил муқаддам Саудия Арабистонида ишлаб юрган пайт ислом динини қабул этиб, сўнг қўлидан келганича илм талабида юрган ва ўрганганларини ўзининг ватандошларига етказиш учун даъват майдонига тушган. Филиппин радиоси орқали ҳам ўз маърузаларини тақдим этиб келаётган эди. Натижада юзлаб балки минглаб филиппинлик христианлар ҳам ислом динига кирганлар. Шайх Нуҳ Кабаренонинг исломий фаолиятлари ва халқ орасидаги ижобий таъсирлари кенгайиб кетаётганидан қўрқиб кетган кофирлар номардларча у кишининг жонига ваҳшиёна суиқасд уюштирдилар. “Иннаа лиллааҳи ва иннаа илайҳи рожиъувн” #islam…
Бу Каъба – Байтуллоҳ
Биз Каъбатуллоҳга сиғинмаймиз, Ягона Аллоҳ таолонинг Ўзига сиғинамиз. Аллоҳ Ўзи бизга У Зотга қандай сиғинишимизни ўргатган. Жумладан ушбу муқаддас Каъбани тавоф қилиш асносида Ягона Аллоҳнинг Ўзига илтижо қилишимизга буюриб, дуоларимизни қабул этишга ваъда берган. Шунинг учун миллиард-миллиард мусулмонлар ушбу муқаддас уйни ҳаж қилиш йўлида жонларини фидо қилишга ҳам тайёр турадилар. Минг йиллардан буён ҳаж, умра ва тавоф қилиш тўхтамаган ва қиёматга қадар тўхтамайди. Баъзида сон жиҳатидан камайиб қолиши мумкин, лекин бутунлай тўхтаб қолиши мумкин эмас, асло. Тўхтаб қолса демак Қиёмат соати бошланган бўлади, дейдилар уламолар. Аллоҳ таоло ушбу Масжидул ҳаромни дунёдаги энг муқаддас жой, энг улуғ макон қилди. Мусулмоннинг жонини эса ундан ҳам улуғроқ мақомга кўтарди. Ислом душманлари, айниқса…
“Ислом Овози” телеграм каналига аъзо бўлиш учун қулай ҳавола
“Ислом Овози”нинг телеграм каналини кузатиб бориш учун қадрдон ака-ука, опа-сингилларимизни яна бир бор тарғиб этамиз. Аллоҳнинг мадади ила бу канал орқали шайх Обидхон қори аканинг маърузалари, ундан олинадиган илмий ва тарбиявий фойдалар, турли мавзулардаги муҳим савол-жавоб ва мақолалар тақдим этиб борилади. Қуйидаги ҳаволани очсангиз каналимизга тўғридан-тўғри аъзо бўлиб оласиз: https://telegram.me/joinchat/BqyShjwleEx1O-OOZEYqvg Саволларингиз ёки фикр-мулоҳазаларингиз бўлса Телеграм ва ВатсАп орқали таҳририятнинг мана бу телефон рақамига юборишингиз мумкин: +46705555548 Аллоҳ таоло барчаларимизни ҳақ динига холисона хизмат қилишга муваффақ айласин, Ислом ва мусулмонларни бутун оламда азиз қилсин, устозимизга ва барча бемор биродарларга Ўз даргоҳидан комил шифо ато этсин…
Ёлланма қотиллар, эй ғофил башар…
Миллат, тили ҳар хил жуковскийлар, Ёлланма қотиллар, эй ғофил башар. Қотилликдан олдин уч нарсани бил, Билганингдан кейин на истасанг қил. Аввало, бу жонни яратган Холиқ Уни фақат Ўзи олиши аниқ. Ўқ остида қолган тириклар қанча?!.. Ўқ емай жон берган ўликлар қанча?!.. Ажал бандасининг қўлида эмас, Худо хоҳламаса тикан ҳам кирмас. Иккинчидан, Қасос — Қиёматда хақ, Диққат қил, бу гапга қарама бефарқ. Маҳшарда жамланар жамийки мардум, Қотил, мақтул ҳамда золим ва мазлум. Бу кунда пора йўқ, таниш-билиш йўқ, Суиқасд қилгани топилмас бир ўқ. Пайғамбарлар қўрқиб туришгай мудом, Ҳақиқатда жуда қўрқинчли айём. Сени ёллаганлар сендан қочади, Шу ерда ҳам ёлғон қасам ичади. Сен нишонга олган олим, муллолар Раҳмон соясида қўрқмасдан турар. Набийлар, Сиддиқлар, Шаҳид, Солиҳлар Сафида ўлтириб…
Қотил Жуковский бир умрлик қамоқ жазосига ҳукм этилди
Бугун соат 11 да Швециянинг апеллияция суди томонидан эълон қилинган ҳукмда устозимиз Обидхон қори Назаров ҳаётларига уюштирилган суиқасдни ижрочиси деб билинган шахс, Ўзбекистон фуқороси Юрий Жуковский бир умрлик қамоқ жазосига лойиқ деб топилди. Жуковский 2012 йил 22 феврал куни Обидхон қори ака масжидга кетар пайтлари яширин ҳолда орқаларидан келиб бошларига ўқ узган ва воқеа жойидан дарҳол ғойиб бўлиб, Россияга қочиб кетган эди. Кейинчалик швед ҳуқуқ тартибот идоралари талаби билан Жуковский Россияда қўлга олиниб 2015 йил август ойида Швецияга топширилган. Бугунги маҳкама бундан аввалги маҳкаманинг 18 йиллик деб белгиланган қамоқ жазосидан фарқли ўлароқ, содир этилган суиқасд оғир ва мудҳиш жиноят экани ва мамлакат ташқарисидан узоқ муддатли режалар билан мақсад сари амалга оширилган иш бўлганлиги туфайли бир…
Кофирлар ҳукми остидаги маҳкамаларга мурожаат қилиш ҳақида фатволар
Устозимиз шайх Обидхон қори акага – Аллоҳ шифойи комил ато этсин – суиқасд уюштирган қотил Юрий Жуковскийнинг устидан чиқарилган 18 йиллик қамоқ жазоси ҳукми 2016 йил 9 феврал кунидан бошлаб аппеляция судида қайта кўриб чиқиладиган бўляпти. Биз барча адолатпарвар инсонларни Қори аканинг ҳақ-ҳуқуқларини талаб қилишда давом этиб, қотилга умрбод қамоқ жазоси берилишини, бу жиноят ортида турган Ўзбек ҳукуматига расмий айблов эълон қилинишини ва халқаро маҳкамага тортилишини сўраб, суднинг иккинчи босқичида ҳам фаол иштирок этишга тарғиб этамиз. Ушбу муносабат билан баъзи биродарларимиз бу масалага шаръий муносабатни ўрганиш мақсадида юборган саволларига жавоб тарзида Ислом уммати эътироф этган буюк алломаларнинг фатволаридан айримларини эътиборингизга ҳавола қилмоқдамиз: Биринчи фатво: قال الإمام عز الدين بن عبد السلام رحمه الله: “لو استولى…
Қотил Юрий Жуковский 18 йилга қамалди
Швецияда маҳкама қотил Юрий Жуковскийни устозимиз шайх Обидхон қорига суиқасд уюштирганликда айблаб 18 йил қамоқ жазосига ҳукм қилди. Шу билан бирга қамоқ жазосини ўтаб бўлгач Швециядан чиқариб юборилиши тайин этилди. Маҳаллий матбуотнинг хабарига кўра бу маҳкама иши Швецияда мисли кўрилмаган ва биринчи маротаба Швед прокурори жиноят ортида бошқа давлат – Ўзбекистон турганини айтган. Судя Жуковскийнинг 22 феврал кунидаги ва бошқа кунлардаги телефон алоқаларининг таҳлилидан унинг Россияда турган шахснинг буйруғи билан амал қилганини кўриш мумкин деб айтади ҳукмда. Ташлаб кетилган қуролда ДНК ва қўл излари топилмаган бўлсада судя: “жиноятчининг қуролда из қолдирмасликни исташи ва бунинг тадоригини қилиши табиий,”- деб баҳолайди. Яна ҳукмда Жуковский 20 дан 22 февралгача жуда ҳам совуқ тунларни машинада ўтириб ўтказгани ва бундан…
Хушхабар: Телеграмда “Ислом Овози” канали очилди
Аллоҳ таолонинг мадади ва тавфиқи ила “Ислом Овози” таҳририяти Telegram тармоғида янги канал очишга муваффақ бўлди. Дунёнинг турли давлатларидан ушбу канални кузатиб боришни истаган биродарларимиз қўл телефонлари орқали Telegramга кириб, қидирув ерига “islomovozi” деб ёзсинлар. Ёки https://telegram.me/islomovozi линкини Telegram орқали очсинлар. Cўнг экранда пайдо бўладиган islomovozi деб номланган каналга аъзо бўлиш учун “JOIN” деб ёзилган ерни танласинлар. Канални излаб топа олмаган биродарлар таҳририят рақамига (+46705555548) мактуб йўллаб мурожаат қилишлари ҳам мумкин. Иншоаллоҳ ушбу канал орқали шайх Обидхон қори домламизнинг асарларини янада кенгроқ миқёсда эълон қилиб боришга ҳаракат қиламиз. Аллоҳ таоло устозимизга шифойи комил ато этсин, илму амалларига баракотлар ёғдирсин, Ислом ва мусулмонларни икки оламда азизу мукаррам қилсин. Омин. Вассалому алайкум … Манба: “Ислом Овози” Мавзуга…
Зулҳижжа ойи 2015 йил 15 сентябр сешанба куни бошланади, Қурбон ҳайити 24 сентябр пайшанба куни
Ҳозиргина олинган хабарга кўра, Саудия Арабистони Олий маҳкамаси Зулҳижжа ойи бошланиши ҳақида расмий баёнотини эълон қилди. Маҳкаманинг қарори бўйича эртага 2015 йил 15 сентябр сешанба муборак Зулҳижжа ойининг биринчи кунидир. Кеча якшанба кечқурун янги ой кўринмагани туфайли бугун душанба куни Зулқаъда ойининг 30 куни деб ҳисобланади, сешанба эса Зулҳижжа ойи бошланади. Демак, 2015 йил 23 сентябр чоршанба Арафа куни, 24 сентябр пайшанба куни Явмун-Наҳр, яъни Ийдул-Азҳо байрами – Қурбон ҳайити бўлади, иншоаллоҳ. Ушбу фурсатдан фойдаланиб, Ислом Овози таҳририяти Аллоҳ таолодан бу муборак ўн кунликни ва Ийдул-Азҳо байрамини барча Ислом аҳли учун баракотли ва хайрли қилишини сўраб, дуолар қилади. Меҳрибон Раббимиз барча мусулмонларга мана бундай улуғ кунларда холис ният билан кўплаб солиҳ амаллар қилишни муяссар айласин,…
